पुर्ण कुमार / नेपालब्रेक
मंसीर २७, डोल्पा
हिमाली जिल्ला डोल्पामा हिमपात भएको छ । डोल्पाको लगभग सबै ठाउँमा मंगलबार राती हिउँ परेको हो । मङ्सिरमै डोल्पामा हिमपात परेपछि जनजीवन निकै कष्ठकर बनेको छ ।
माथिल्लो डोल्पा सहित तल्लो डोल्पाको जुफाल, नर्कु, त्रिपुराकोट , पहाडा, लीकु , सर्मि, लगायत जगदुल्लाका अधिकांश स्थानमा हिमपात भएको छ । हिमपात भए सगै जिल्लाको उत्तरी क्षेत्रमा पर्ने शे- फोक्सुण्डो , डोल्पाेबुद्ध, छार्का ताङ्सोङ गाउँपालिका भित्रका बस्तीमा चिसो अत्याधिक बढेको छ भने आवतजावतमा समेत समस्या भै रहेको छ ।
हिमपात परे सगै डोल्पाका किसान भने हर्षित छन्। यस वर्षको पहिलो हिमपात भएको र यसले हिउदे बालिलाई राम्रो हुने स्थानीय कृषकहरुकाे भनाइ रहेको छ ।
हिउँदे वाली जौ, उवा, गौ, मसुरो लगायतका बालीलाई यस पटक परेको हिउँले उत्पादनमा राम्रो हुने स्थानीय कृषक जुन बहादुर सार्कीले बताएँ।
फोटो : मनराम ठकुल्ला