पूर्ण सार्की
डोल्पा वैशाख २५ हीमाली जिल्ला डोल्पाको त्रिपुरासुन्दरी नगरपालिकाको केन्द्र त्रिपुराकोटमा त्रिपुरासुन्दरी नगरपालिकाका प्रथम नगरप्रमुख स्वर्गीय ओमबहादुर बुढाको शालिक अनावरण गरिएको छ । ओम स्मृति प्रतिष्ठानको आयोजनामा विशेष कार्यक्रमका साथ सालिक अनावरण गरिएको हो ।
जिल्ला समन्वय समितिका प्रमुख श्यामबहादुर रोकाया प्रमुख जिल्ला अधिकारी भूमिश्वर पोखरेल र त्रिपुरासुन्दरी नगरपालिकाका प्रमुख जनचन्द्र रोकायाले संयुक्त रुपमा सालिक अनावरण गर्नुभयो ।
सालिक अनावरण कार्यक्रममा बोल्दै जिल्ला समन्वय प्रमुख श्यामबहादुर रोकायाले स्वर्गीय नगरप्रमुख बुढा, विकास पे्रमी इमानदार र जनताको सुःख र दुःखमा सदैव लागि पर्ने त्यागी नगरप्रमुख भएको बताउनुभयो ।
संघीयता लागुसँगै प्रथम नगरप्रमुख बन्नुभएका ओम बुढाले नगरको शिक्षा स्वास्थ्य विद्युत, कृषि र सडक निर्माणमा खेलेको भूमिका महत्वपूर्ण भएकाले वर्तमान जनप्रतिनिधिले पनि उहाँका राम्रा कार्यको अनुसरण गर्दै जानु आवश्यक रहेको उल्लेख गर्नुभयो ।
कार्यक्रममा बोल्दै प्रमुख जिल्ला अधिकारी भूमिस्वर पोख्रेल ले स्वर्गीय नगरप्रमुख ओम बुढा सबैको साझा व्यक्तिको रुपमा आफूलाई समाजमा उभ्याउन सकेको आफूले पाएको बताउनुभयो ।
कार्यक्रममा बोल्दै नेपाली कांग्रेसका पूर्व जिल्ला पार्टी सभापति टंक प्रसाद उपाध्यायले स्वर्गीय नगर प्रमुख बूढा एक कुशल राजनीतिज्ञ व्यक्ति भएको र उहाँले स्थानीय तह चुनाव जिते पछि समग्र नगरको बिकाश काे निम्ति सधैं लागी परेको स्मरण गर्दै डोल्पा जिल्लाले एउटा राम्रो कुशल राजनीतिज्ञ व्यक्ति गुमाएको वताउनु भयो ।
प्रथम नगरप्रमुख ओम बुढाको ०७८ साल वैशाख २५ गते कोरोना सङ्क्रमण का कारण उपचारका क्रममा मृत्यु भएको थियो ।