पूर्ण सार्की डोल्पा
डोल्पामा गस्तीमा गएका प्रहरी हवल्दार लडेर जगदुल्ला नदिमा बेपत्ता भएका प्रहरी हवल्दारको गोताखोरले शब खोजी रहेको छ । बिहिबार ईलाका प्रहरी कार्यालय काईगाउँबाट ५ जनाको टोली सहित गस्तीमा गएका प्रहरी हवल्दार जोशिराम रेगामी लडेर नदिमा ब्यपत्ता भएका थिए । ४ दिनदेखी जगदुल्ला नदिमा हराएका रेगामीकाे शब गोताखोर ल्याएर खोजी रहेको जिल्ला प्रहरी कार्यालय डोल्पाका प्रहरी नायव उपरिक्षक शिब बुढाथोकिले जानकारी दिए । डिएसपी बुढाथीकीले भने म आफै घटना घटेको स्थानमै छु ७ जना गोताखोर टोली सहित २५ जना प्रहरीले खोजी निरन्तर गरि रहेका छौ । गस्तिमा हिडि रहेको बेलामा मुड्केचुला गाउँपालिका १ काे भेरी कुना भन्ने स्थानमा पौने ६ बजेतिर भिरबाट लडेर जदुल्ला नदिमा खसेर ब्यपत्ता भएका थिए । ।
जगदुल्ला नदिमा ब्यपत्ता भएका हवल्दार रेगामीको शब खोजीका लागि जिल्ला प्रहरी कार्यालय डोल्पाबाट प्रहरी निरीक्षक नविन प्रकाश चापागाईको कमाण्डमा २५ जना, जिल्ला स्थित नेपाली सेना र शसश्त्र प्रहरी बल समेतको टोली घटना स्थलमा खोजी गरेर शब फेला नपरेपछि सुर्खेतबाट ७ जनाकाे गोताखोर टोली आएर खोजी रहेको छ । गोताखोर सहित घटनास्थलमा पुगेका डिएसपी बुढाथोकीले भने हामी निरन्तर लागी रहेका छौ धैर्य गर्नुस ।
