२०८० चैत्र १६ गते शुक्रवार

डोल्पामा चैत्र दशैँको रौनक, त्रिपुरासुन्दरीमा भव्य रुपमा सम्पन्न 



पूर्ण सार्की

डोल्पा १५ चैत्र

डोल्पाको त्रिपुरासुन्दरी नगरपालिका वडा नं १ अन्तर्गत त्रिपुराकोटमा पर्ने त्रिपुरासुन्दरी मन्दिरमा आज बिहानै देखि चैत्र अष्टमीको पुजाआजाको लागि भक्तजनहरुको घुँइचो लागको थियो ।

देशकै प्रशिद्ध शक्तिपिठको रुपमा रहेको यस मन्दिरमा नौ दिनको नवरात्र सुरु भएदेखिनै पुजाआजाका लागि भक्तजनको घुइचो बडेको हो ।

प्रत्येक बर्ष चैत्र अष्टमीमा यस मन्दिरमा विशेष पुजाआजाहुने भएकाले पनि चैत्र अष्टमीलाई चैत्रे दशैको रुपमा परापुर्वकाल देखि मनाउँदै आएको पुजारी यज्ञप्रसाद उपाध्यायले बताए ।

यस दशैको नवरात्र अवधिमा दर्शन गर्नाले मनले चिताएको सम्पुर्ण कुराहरु पुग्ने जनविश्वास रहेको पुजारी उपाध्यायले बताए ।

चैते दसैँको अवसरमा त्रिपुरासुन्दरी माई लाई बोका,राँगा बली दिने,मन्दिरका नयाँ लिंगा र ध्वजा परिर्वतन गर्ने र ,विशेष होमन समेत भएको उनले जाकारी दिए ।

बर्षका दुइ ठुला दशैँ भित्र पर्ने चैत्र अष्टमीमा जिल्लाका विभिन्न क्षेत्रबाट ब्रामणहरु,सादु सन्तहरु पुजाआजाकालागि मन्दिर आएको उनले बताए ।

आजै दिउसोमात्रै मेला हेर्नकालागि मन्दिरमा हजारौँ भक्तजनहरु आएक थिए ।

त्यतिमात्र नभई मन्दिरमा पुग्ने भक्तजनलाई मनोरञ्जन दिनकालागि हिमालयन यूवा क्लब द्वारा सांस्कृतिक कार्यक्रमको समेत आयोजना गरिएको थियो

प्रकाशित मिति : २०७९ चैत्र १५ गते बुधवार

यो खबर पढेर तपाईलाई कस्तो महसुस भयो ?