रामचन्द्र न्याैपाने,
डाेल्पा ३१ जेठ
डाेल्पा सदरमुकाम दुनै जाेड्ने रुपगाड खाेलाकाे काठे पुल धरापमा परेकाे छ ।
दुई दिनदेखिकाे निरन्तर बर्षातका कारण खाेलाकाे बहाव बडेर दुबैतीर कटान सुरु गरेपछि पुल धरापमा परेकाे हाे ।
पुल धरापमा परेसँगै चारपाङ्ग्रे सवारीसाधन अावागमन ठप्प भएकाे छ भने काम विशेषले सदरमुकाम जाने सर्वसाधारणहरु नजिकै बनाइएको बर्षाै पुरानाे जाेखिमपुर्ण पुलबाट अावतजावत गर्न बाध्य भएकाछन् ।
दैनिक उपभाेग्य बस्तुहरु अाेसारपसार गर्ने ट्याक्टर,बिरामी बाेक्ने प्रयाेगहुने जीप लगायतका सवारीसाधन खाेलाका दुई किनारमै राेकिएकाछन् ।
प्रत्येक घन्टामा बहाब बडिरहेकाले केही समयमै पुलकाे सबै काठ बनाएर लैजाने सम्भावना रहेकाे यातायात व्यवसायीले बताए ।
निरन्तर भइरहेको बर्षातका कारण बडेकाे खाेलाले पुलकाे दुबैतीरकाे तटबन्ध भत्काउनुकाे साथै कटान पनि सुरु गरेकाे स्थानीय धुर्व शाहीले जानकारी दिए ।
अझै पनि खाेलाकाे बहाव बडिरहेकाले रुपगाड बस्तीनै जाेखिममा परेकाे शाहीले बताए ।
जतिसक्दो छिटाे खाेलाकाे दुबैतिर तटबन्ध निर्माण गरेर जमिन कटान राेक्नुपर्छ,ढिला गरे अहिले बाँकी रहेकाे जमिन पनि बगाएर लैजाने सम्भावना छ शाहीले भने ।
खाेलाले अाफ्नाे मार्ग फराकिलो बनाउँदै गएकाले डराई-डराई हिँड्नुपर्ने अवस्था रहेकाे त्रिपुरासुन्दरी नगरपालिका १ का स्थानीय रमानन्द उपाध्यायले गुनासो गरे ।
सदरमुकाम प्रवेश गर्ने मुख्य पुलकाे रुपमा रहेकाे उक्त काठकाे पुल बलियो ढङ्गबाट निमार्ण गरि यथाशीघ्र सुचारु गर्न सर्वसाधारणकाे माग छ ।