२०७८ बैशाख ७ गते मङ्गलवार

विप्लवसँग वार्ता गर्न सरकारले बनायो गृहमन्त्री थापाको नेतृत्वमा टोली



नेत्रविक्रम चन्द विप्लव नेतृत्वको नेकपासँग वार्ता गर्न सरकारले गृहमन्त्री रामबहादुर थापाको नेतृत्वमा दुई सदस्यीय वार्ता टोली गठन गरेको छ ।

प्रधानमन्त्री केपी ओलीका परराष्ट्र सल्लाहकार राजन भट्टराई वार्ता टोली सदस्य रहेका छन् ।

हतियार व्यवस्थापन र मुद्दा फिर्ता लिने विषयमा वार्ताबाटै समाधान खोजिने बताइएको छ ।

विप्लवले छिट्टै वार्ता टोली गठन गर्ने अपेक्षा गरेको सरकारका प्रवक्ता पार्वत गुरुङले जानकारी दिए ।

विप्लव समूहले पनि वार्ता टोली सार्वजनिक गर्ने तयारी गरेकाे छ ।

खड्गबहादुर विश्वकर्मा ‘प्रकाण्ड’को नेतृत्वमा उदयबहादुर चलाउने ‘दीपक’ सदस्य रहेको वार्ता टोली सार्वजनिक गर्ने बताइएको छ ।

प्रकाशित मिति : २०७७ फाल्गुन १८ गते मङ्गलवार