२०८० चैत्र ६ गते मङ्गलवार

तपाईंको यौन जीवन ध्वस्त पारिदिने यस्ता सात रोग, हुनुहोस् सतर्क



एजेन्सी । पार्टनरसँग सेक्सुअली कनेक्ट हुनु सम्बन्धमा इन्टिमेसीको एउटा राम्रो संकेत हो । यसले तपाईंको सेक्सुअल हर्मोन र शरीरलाई पनि स्वस्थ राख्छ ।

यद्यपि, बढ्दो स्वास्थ्य समस्याले तपाईंको यौनजीवनलाई बर्बाद पारिदिन सक्छ । त्यसैले आफ्नो स्वास्थ्य अवस्थाबारे तपाईंलाई राम्रोसँग जानकारी हुनुपर्छ । आज हामी तपाईंलाई यस्ता केही स्वास्थ्य समस्याबारे जानकारी दिँदै छौं जसले तपाईको यौन जीवनलाई गम्भीर रुपमा प्रभावित पार्न सक्छ ।

मधुमेहः

मधुमेहका रोगी पुरुषलाई इरेक्सन र इज्याकुलेशनजस्तो समस्या हुनसक्छ । उच्च रक्तचापका कारण हाम्रो रक्तनली र नसामा खराब असर पर्छ । साथै यसले यौनाङ्गका लागि आवश्यक साधारण रक्त प्रवाहलाई पनि प्रभावित गर्छ । जबकी यस्तो अवस्थामा महिलाको यौनाङ्ग सुख्खा हुने, पीडादायी यौनसम्बन्ध र यौन सम्बन्धमा अनिच्छालगायतका समस्या देखिन सक्छ । स्वस्थ र सफा खानामार्फत् शारीरिक रुपमा आफूलाई सक्रिय राख्दा यो समस्याको हल हुने गर्छ ।

अत्यधिक पीडाः

शरीरको कुनै पनि भागमा भयानक पीडा वा क्रोनिक पेनले पनि तपाईंको यौनेच्छामा कमी ल्याइदिने गर्छ । यस्ता दुखाईबाट राहत पाउनका लागि डाक्टरको सल्लाहमा औषधीको प्रयोग गर्न सक्नुहुन्छ । यद्यपि, कुनै पनि औषधी लिनु अघि सतर्क हुनुहोस् किनभने केही पेनकिलरको साइड इफेक्ट हुनसक्छन् जसले तपाईंको यौन जीवन प्रभावित पारिदिन सक्छ ।

मुटुरोगः

यदि तपाईंलाई मुटु सम्बन्धि कुनै समस्या छ भने यौनबारे तपाईंले विरलै सोच्नुहुन्छ । विज्ञका अनुसार यदि कुनै व्यक्तिलाई केही समय अघि मात्रै हृदयघात भएको छ भे उनले केही समयका लागि यौनबारे सतर्क हुनुपर्छ ।

डिप्रेशनः

यो एउटा मानसिक अवस्था हो जसले तपाईंको मनको स्थितीलाई प्रभावित गर्छ । तपाईं सधैं चिन्तित रहनुहुन्छ र यस्तोमा कुनै पनि क्रियाकलापमा समावेश हुन तपाईंलाई मनपर्दैन जसले तपाईंको मनोदशालाई ठिक स्थितीमा राख्न सकोस् ।

यसका लागि डाक्टरले तपाईंलाई केही औषधीबारे सुझाव दिन सक्छन् जसले तपाईंको यौन जीवनलाई पनि प्रभावित पार्न सक्छ । यसैबीच तपाईंले कामोत्तेजनामा मुश्किलको सामना गर्ने सम्भावना पनि रहेको हुन्छ । यस्तोमा औषधीको डोज कम वा औषधी नै परिवर्तन गरेर तपाईंले यस्तो समस्याबाट पार पाउन सक्नुहुन्छ । यद्यपि, सबैभन्दा पहिला डाक्टरसँग सल्लाह लिनुहोस् ।

आर्थराइटिसः

जोर्नीमा दुखाई वा ऐठनले तपाईंको यौन जीवनलाई निकै हदसम्म खराब गर्न सक्छ । यौन जीवनका लागि शरीरको चालको आवश्यकता हुन्छ त्यसैले यस्तो समस्याले ग्रस्त भएकाहरुले यौन सम्बन्ध स्थापित गर्नबाट जोगिनुपर्छ ।

कम टेस्टोस्टेरोन, रजनोवृत्तिः

टेस्टोस्टेरोनको कमीसँग जुधिरहेका पुरुषमा पनि यौन सम्बन्धि समस्या हुनसक्छ । यो समस्या उमेरसँगै बढ्ने गर्छ किनभने टेस्टोस्टेरोन जस्ता सेक्स हर्मोन क्रमशः कम हुन थाल्छन् ।

जब महिलाको उमेर ४० देखि ५० वर्षभन्दा माथि लाग्छ तब उनीहरुको महिनावारी रोकिन सक्छ जसले शरीरमा एस्ट्रोजनको स्तर कम गरिदिने गर्छ । रजनोवृत्तिका कारण महिलाको यौनाङ्ग सुख्खा हुने गर्छ भने यौनेच्छामा कमीको अनुभव गर्न सकिन्छ । यद्यपि, यो स्थितीमा पनि पुरुष र महिलाको शरीरमा सेक्सुअल हर्मोनको स्तरमा वृद्धिका लागि डाक्टरसँग सम्पर्क गर्नुहोस् ।

प्रकाशित मिति : २०७७ माघ २१ गते बुधवार

यो खबर पढेर तपाईलाई कस्तो महसुस भयो ?